रायगड लोकधारा वृत्त :
सांगली प्रतिनिधी : रात्री ११ वाजण्याच्या सुमारास बस आष्टा बस स्थानकातून सांगलीकडे येत असताना संशयित कांबळे हा वारंवार खिडकी जवळून पीडितेला स्पर्श करून अश्लील चाळे करू लागला. सांगली : पुण्यातील स्वारगेट बस स्थानकात परिसरात शिवशाही बसमध्ये एका तरुणीसोबत अत्याचाराची घटना ताजी असतानाच याच बसमध्ये विनयभंगाची घटना समोर आली.
पुणे ते सांगली असा शिवशाही बसमधून प्रवास करणाऱ्या २४ वर्षीय तरुणीचा बसमधीलच प्रवास करणाऱ्या तरुणाने अश्लील चाळे करत विनयभंग केल्याची धक्कादायक घडली. पोलिसांनी संशयित वैभव वसंत कांबळे (वय ३४ रा. दुधारी मारुती मंदिर जवळ, वाळवा) याच्यावर गुन्हा दाखल करत त्याला अटक केली आहे.
दरम्यान, मध्यरात्री साडेबाराच्या सुमारास ही घटना घडली. बस स्टँडवर आल्यानंतर तरुणीने दंगा केल्यानंतर पोलिसांनी पाठलाग करत संशयितास पकडले. चोपत त्याला पोलिस ठाण्यात आणले. यावेळी डायल ११२ आणि गस्ती पथक तत्काळ दाखल झाले होते. पीडितेने याबाबतची फिर्याद शहर पोलिस ठाण्यात दिली आहे. पोलिसांनी दिलेली माहिती अशी की, कोल्हापूर जिल्ह्यातील शिरोळ तालुक्यातील एका गावामध्ये राहणारी २४ वर्षीय तरुणी पुण्यामध्ये नोकरीच्या निमित्ताने राहते. पीडित तरुणी काल स्वारगेट ते सांगली या शिवशाही बसमधून गावी जाण्यासाठी सांगलीला येत होती. यावेळी इस्लामपूरजवळ संशयित वैभव कांबळे हा बसमध्ये चढला. तरुणीच्या मागील बाजूल असणाऱ्या सीटवर तो बसला होता.
रात्री ११ वाजण्याच्या सुमारास बस आष्टा बस स्थानकातून सांगलीकडे येत असताना संशयित कांबळे हा वारंवार खिडकी जवळून पीडितेला स्पर्श करून अश्लील चाळे करू लागला. रात्रीची वेळ असल्याने पीडिता ही भयभीत झाली होती. साडेबारा वाजण्याच्या सुमारास शिवशाही बस सांगली स्थानकात आली असता पीडितेने घडलेला प्रकार चालकासह तेथील पोलिसांना सांगितले. तेवढ्यात संशयिताने तेथून पळ काढला होता. पोलिसांनी पाठलाग करत त्याला ताब्यात घेतले. त्यावेळी चांगलाच चोप पोलिसांसह नागरीकांनी दिला. पीडितेचे वडीलही त्याठिकाणी आले. त्यांनीही अत्यंत संताप व्यक्त केला. अखेर रात्री उशीरा संशयिताविरोधात गुन्हा नोंद करत अटेकेची कारवाई करण्यात आला. शहर पोलिस अधिक तपास करत आहे. सांगली बसस्थानकात प्रवासी महिलांच्या सुरक्षिततेबाबत कोणत्याच उपाययोजना होताना दिसत नाहीत.
ग्राउंड रिपोर्टवेळी प्रकार
पुण्यात झालेल्या घटनेनंतर ‘रायगड लोकधारा ‘कडून काल मध्यरात्री ग्राउंड रिपोर्ट करण्यात आला होता. त्याचवेळी ही घटना समोर आली. पोलिसांनी अगदी तीन मिनिटांत घटनास्थळी हजेरी लावली. पोलिसांच्या तत्परतेचे साऱ्यांनीच कौतुक केले.
