रायगड लोकधारा वृत्तसेवा :
पनवेल प्रतिनिधी : जनार्दन भगत शिक्षण प्रसारक संस्थेच्या चांगू काना ठाकूर कला, वाणिज्य व विज्ञान महाविद्यालय, न्यू पनवेल (अधिकारप्रदत्त स्वायत्त) येथील अंतर्गत रचना (INTERIOR DESIGN) विभागातर्फे आयोजित “NIRMITEE Exhibition २०२५–२०२६ ” या वार्षिक प्रदर्शन सोहळा दिनांक २३ व २४ फेब्रुवारी २०२६ रोजी सकाळी १०.०० ते सायंकाळी ५.०० या वेळेत महाविद्यालयाच्या प्रांगणात उत्साहपूर्ण वातावरणात दिमाखात संपन्न झाला.
या वर्षीच्या प्रदर्शनाची संकल्पना “Fusion – A Blend of Traditional and Contemporary Art” अशी होती. परंपरागत कला आणि आधुनिक डिझाईन यांचा सर्जनशील संगम विद्यार्थ्यांच्या विविध प्रकल्पांमधून प्रभावीपणे साकारण्यात आला. पारंपरिक सौंदर्यदृष्टी आणि आधुनिक तंत्रज्ञानाचा समतोल वापर करून विद्यार्थ्यांनी आपल्या कल्पकतेचा उत्कृष्ट आविष्कार सादर केला. विविध गटांमध्ये उत्कृष्ट कामगिरी करणाऱ्या विद्यार्थ्यांना पुरस्कार प्रदान करण्यात आले.या प्रदर्शनासाठी इन्फ्रा-आर्च आर्किटेक्ट्सचे संस्थापक आर्किटेक्ट वैभव नलावडे तसेच डिओसिटी फर्मचे डायरेक्टर आर्किटेक्ट जय माळी हे प्रमुख पाहुणे म्हणून उपस्थित होते. त्यांनी विद्यार्थ्यांच्या सर्जनशीलता, कल्पनाशक्ती आणि डिझाईन दृष्टीकोनाचे विशेष कौतुक करत त्यांना व्यावसायिक क्षेत्रात यशस्वी होण्यासाठी शुभेच्छा दिल्या.
जे.बी.एस.पी. संस्थेचे उपाध्यक्ष मा. श्री. वाय. टी. देशमुख या मान्यवरांच्या उपस्थितीमुळे कार्यक्रमाची शोभा अधिक वाढली. त्यांनी विद्यार्थ्यांच्या कलाकृतींचे मनःपूर्वक कौतुक करत त्यांचे अभिनंदन केले व भविष्यासाठी शुभेच्छा दिल्या. महाविद्यालयाचे प्राचार्य प्रो. (डॉ.) एस. के. पाटील यांनी सर्व मान्यवरांचे स्वागत करून विद्यार्थ्यांना प्रेरणादायी मार्गदर्शन केले. तसेच अंतर्गत गुणवत्ता हमीकक्ष समन्वयक डॉ. बी. डी. आघाव, विज्ञान शाखेच्या प्रमुख प्रा. (डॉ.) जे. एस. ठाकूर आणि इंग्रजी विभागप्रमुख डॉ. आर. व्ही. येवले यांनी कार्यक्रमास उपस्थिती दर्शवत विद्यार्थ्यांना मोलाचे मार्गदर्शन केले.
डिप्लोमा विभागाच्या समन्वयक आ. प्रज्योती देसाई यांनी इंटिरियर डिझाईन विभाग व निर्मिती २०२५–२०२६ प्रदर्शनाबाबत प्रमुख पाहुण्यांना सविस्तर माहिती दिली. बी.एस्सी. विभागाच्या समन्वयक आ. स्वेच्छा गोसावी यांनी समारोपपर भाषणात कार्यक्रमाच्या यशस्वी आयोजनासाठी सर्वांचे आभार मानले आणि उपस्थित मान्यवर, पालक आणि नागरिकांना विद्यार्थ्यांच्या कलाकृतींचे प्रदर्शन पाहण्याचे व त्यांना प्रोत्साहन देण्याचे आवाहन केले. कार्यक्रमाचे सूत्रसंचालन राज्यशास्त्र विभागप्रमुख प्रा. आकाश पाटील यांनी प्रभावीपणे केले.
कार्यक्रमाच्या यशस्वी आयोजनासाठी इंटिरियर डिझाईन विभागातील शिक्षक आ. विनया गावंड, आ. प्रांजली पंचगडे, मनीषा पाटील, समीरा शेख आणि संध्या सिंह यांचे विशेष योगदान लाभले. या प्रदर्शनाला मान्यवर, पालक तसेच डिझाईन क्षेत्रातील तज्ज्ञांनी मोठ्या प्रमाणावर उपस्थिती दर्शविली. “NIRMITEE Exhibition २०२५–२०२६” हा विद्यार्थ्यांच्या कलात्मकता, सर्जनशीलता आणि व्यावसायिकतेचा प्रेरणादायी आविष्कार ठरला. महाविद्यालयाचे प्राचार्य, संस्थेचे पदाधिकारी, विभागातील प्राध्यापक, शिक्षकेतर कर्मचारी आणि विद्यार्थ्यांच्या एकत्रित परिश्रम व सहकार्यामुळे हा कार्यक्रम अत्यंत यशस्वी आणि शिस्तबद्ध पद्धतीने पार पडला.
अशी वैशिष्ट्यपूर्ण संधी विभागाला उपलब्ध करून दिल्याबद्दल जे.बी.एस.पी. संस्थेचे अध्यक्ष लोकनेते मा. श्री रामशेठ ठाकूर तसेच संस्थेचे सचिव डॉ. एस. टी. गडदे आणि महाविद्यालयाचे प्राचार्य यांचे मनःपूर्वक आभार व्यक्त करण्यात आले. अशी वैशिष्ट्यपूर्ण संधी विभागाला उपलब्ध करून दिल्याबद्दल जे.बी.एस.पी. संस्थेचे अध्यक्ष लोकनेते मा. श्री रामशेठ ठाकूर तसेच संस्थेचे सचिव डॉ. एस. टी. गडदे आणि महाविद्यालयाचे प्राचार्य यांचे मनःपूर्वक आभार व्यक्त करण्यात आले.
प्राचार्य :
चांगु काना ठाकुर आर्ट्स, कॉमर्स अँड सायन्स कॉलेज, न्यु पनवेल (अधिकारप्रदात्तस्वायत्त )
