रायगड लोकधारा वृत्त :
अविनाश जाधव – कळंबोली प्रतिनिधी : नवी मुंबई आंतरराष्ट्रीय विमानतळ सिडको आणि राष्ट्रीय महामार्ग प्राधिकरण (एनएचएआय) यांच्या मार्फत चालू असलेल्या विमानतळाला पश्चिमेकडून जोडणी करण्याकरिता पश्चिम प्रवेश आंतरबदलाचे (वेस्टर्न एन्ट्री इंटरचेंज) काम हाती घेण्यात आले आहे हे काम जूनमध्ये पूर्ण होणे अपेक्षित आहे. पश्चिम प्रवेश आंतरबदलाद्वारे आम्र मार्ग आणि उलवे किनारी मार्ग येथून विमानतळाकडे ये-जा करणारी वाहतूक सुरळीत होण्यास मदत होणार आहे.
विमानतळाचा पहिला टप्पा परिचालनाच्या मार्गावर आहे. या विमानतळाला उत्तमप्रकारे जोडले जावे, याकरिता त्या परिसराच्या परिघातील महत्त्वाच्या मार्गांना विमानतळाशी जोडण्याकरिता परिधीय मार्गांचे नियोजन करण्यात येत आहे. राष्ट्रीय महामार्ग प्राधिकरणाचा बंदर (पोर्ट) रस्ता जोडणी हा त्यातील एक महत्त्वाचा भाग असल्याचे सिडकोचे व्यवस्थापकीय संचालक विजय सिंघल यांनी सांगितले.
नवी मुंबई आंतरराष्ट्रीय विमानतळाच्या परिसरातील महत्त्वाचे मार्ग आणि विमानतळ या दरम्यान व्यवस्थितरित्या सुरळीत पणे जोडले जावे, यासाठी याकरिता सिडकोतर्फे काही रस्ते प्रकल्प हाती घेण्यात आले आहेत. अटल सेतू ते विमानतळ दरम्यान अशी जोडणी निर्माण करण्याकरिता उलवे किनारी मार्ग नियोजित आहे. तसेच आम्र मार्ग (राष्ट्रीय महामार्ग ३४८ए) आणि उलवे किनारी मार्ग येथून विमानतळाकडे ये-जा करणारी वाहतूक सुरळीतरीत चालावी, याकरिता एमजेपीआरसीएल प्रकल्पांतर्गत विमानतळ पश्चिम प्रवेश आंतरबदल मार्गाचा समावेश करण्यात आला आहे. त्याचप्रमाणे, विमानतळाच्या पूर्व बाजूस राष्ट्रीय महामार्ग ४ बी (राष्ट्रीय महामार्ग ५४८) सोबत जोडणीसाठी पूर्व प्रवेश आंतरबदल मार्गाचा देखील समावेश करण्यात आला आहे.
तसेच पूर्व प्रवेश आंतरबदल हा पूल क्लोव्हरलिफ प्रकारातील आहे. तर पश्चिम प्रवेश आंतरबदल मार्ग हा हाफ क्लोव्हरलिफ प्रकारातील असून नवी मुंबई आंतरराष्ट्रीय विमानतळाच्या बहुउद्देशीय जोडणीचा महत्त्वाचा घटक आहे. पश्चिम प्रवेश आंतरबदल हा उलवे किनारी मार्गाच्या १.२ कि.मी.च्या जूनमध्ये खुला होणे अपेक्षित पश्चिम प्रवेश आंतरबदल मार्ग प्रकल्पाअंतर्गत एक अतिरिक्त वाहन निम्नमार्ग आणि उलवे नदी परिवर्तित प्रवाहावरील लहान पूल यांचा समावेश आहे. जूनच्या पहिल्या आठवड्यापर्यंत पश्चिम आंतरबदल मार्ग पूर्णतः कार्यान्वित होऊन वाहतुकीकरिता खुला होणे अपेक्षित आहे.
अनेक उन्नत विमानतळ जोड रस्त्याला जोडला गेला आहे. याशिवाय आंतरबदल मार्गावर दोन लूप आणि दोन चढउतरीचे रस्ते यांचा समावेश आहे. आम्र मार्गावरून विमानतळाच्या दक्षिण बाजूस जाणाऱ्या वाहतुकीकरिता लूप ए व आम्र मार्गावरून विमानतळाच्या उत्तर बाजूस जाणाऱ्या वाहतुकीकरिता रॅम्प एचा वापर करता येणार आहे. तर लूप बी आणि रॅम्प बी द्वारे विमानतळाकडून आम्र मार्गाच्या अनुक्रमे उत्तर व दक्षिणेकडे जाण्याकरिता निर्गम मार्गाचा पर्याय असणार आहे.
