🔴 रायगड लोकधारा वृत्त :
महाड प्रतिनिधी : राजकीय घडामोडींना वेग आला आहे. राष्ट्रवादी काँग्रेसचे नेते आणि तटकरे यांना मोठा धक्का देत, त्यांचे कट्टर समर्थक आणि नडगावचे माजी सरपंच संजय देशमुख यांनी त्यांच्या शेकडो कार्यकर्त्यांसह शिवसेनेत प्रवेश केला आहे.
या पक्षप्रवेशाचे औचित्य घटस्थापनेच्या शुभमुहूर्तावर साधण्यात आले. यावेळी युवा सेनेचे कोअर कमिटी सदस्य आणि कोकण सचिव विकास शेठ गोगावले यांच्या प्रमुख उपस्थितीत आणि महाड तालुक्यातील आणि नडगाव विभागातील शिवसेना युवासेनेचे आजी-माजी पदाधिकारी यांच्या उपस्थितीत पक्षप्रवेश सोहळा पार पडला.
संजय देशमुख हे एकेकाळी अपक्ष म्हणून नडगाव ग्रामपंचायतीचे सरपंच म्हणून निवडून आले होते. त्यानंतर त्यांनी खासदार तटकरे यांच्यावर विश्वास ठेवून राष्ट्रवादीत प्रवेश केला होता. मात्र गेल्या काही काळापासून ते शिवसेना नेते विकास शेठ गोगावले यांच्या संपर्कात होते, आणि अखेर त्यांनी राष्ट्रवादीला रामराम ठोकत शिवसेनेचा झेंडा हाती घेतला.
देशमुख यांच्यासोबत महाड तालुक्यातील ३० हून अधिक कार्यकर्त्यांनी शिवसेनेत प्रवेश केला. या कार्यकर्त्यांमध्ये पुढील नावे आहेत:
सोमनाथ महाडिक, गजानन महाडिक, नथुराम महाडिक, अभय देशमुख, गणित संजय देशमुख, राजेश देशमुख, बिपिन खोपडे, साहिल पाटेकर, जगदीश मोरे, पुष्कर गबाळे, हर्षद महाडिक, कृणाल टमके, मुकेश महाडिक, अशोक महाडिक, शांताराम खोपडे, रोहिदास टमके, महादेव महाडिक, सुभाष महाडिक, सुनील महाडिक, नागेश महाडिक, गणपत महाडिक, मनोहर महाडिक, संतोष महाडिक, संदीप महाडिक, दिनेश सकपाळ, राजेंद्र पवार, ज्ञानेश्वर कवितके, सुरेश कोळी यांचा समावेश आहे.
या घडामोडीमुळे नडगाव ग्रामपंचायतीत आधीपासूनच बळकट असलेल्या शिवसेनेची ताकद आता अधिकच वाढली आहे.
शिवसेनेच्या विकासकामांवर विश्वास ठेवून, अनेक कार्यकर्ते राष्ट्रवादी सोडून शिवसेनेत प्रवेश करत असल्याचे चित्र दिसत आहे. महाडमध्ये शिवसेनेच्या संघटनात्मक ताकदीत आणि प्रभावात लक्षणीय वाढ होत आहे.
या घडामोडींचा आगामी स्थानिक स्वराज्य संस्था निवडणुकांवर नक्कीच परिणाम होण्याची शक्यता दिसत असून, महाड परिसरातील राजकीय समीकरणे झपाट्याने बदलत असल्याचे स्पष्ट होते.
