रायगड लोकधारा वृत्त / विजय गायकर
पोलादपूर | जि.प. पं.स उमेदवारी अर्ज दाखल २० जानेवारी २०२६
रायगड लोकधारा प्रतिनिधी / पोलादपूर : 🔴 रायगड जिल्हा परिषद व पंचायत समिती निवडणूक 2026 च्या पार्श्वभूमीवर पोलादपूर तालुक्यात आज शिवसेनेने आपली संघटनात्मक ताकद आणि जनसमर्थन ठामपणे दाखवून दिले.
🔴 कापडे बुद्रुक जिल्हा परिषद गटातून शिवसेनेचे अधिकृत उमेदवार श्री. निलेश काशिनाथ कुंभार (पंचायत समिती गण कापडे बुद्रुक )– श्री. अनिल हनुमंत दळवी
🔴 लोहारे जिल्हा परिषद गटातून शिवसेनेचे अधिकृत उमेदवार श्री. चंद्रकांत कळंबे (पंचायत समिती गण लोहारे) अनिता अनिल भिलारे (पंचायत समिती गण कोतवाल बुद्रुक) श्री.अविनाश कृष्णा शिंदे यांचा छत्रपती शिवाजी महाराजांचे दर्शन घेऊन हजारो शिवसैनिकांच्या उपस्थितीत उमेदवारांचे नामनिर्देशन अर्ज उत्साहात दाखल करण्यात आले. शहरातून ढोल-ताशांच्या गजरात, हातात भगवे झेंडे घेऊन काढण्यात आलेली भव्य मिरवणूक पाहून संपूर्ण परिसर शिवमय झाला. हजारो शिवसैनिकांची उपस्थिती ही शिवसेनेच्या वाढत्या जनविश्वासाची आणि ताकदीची साक्ष देणारी ठरली.
तळागाळातील जनतेच्या प्रश्नांना प्राधान्य देत विकास, पारदर्शकता व लोकहित या मुद्द्यांवर ही निवडणुक आपण लढवणार असून शिवसेना पक्षाच्या विकासाभिमुख धोरणांना अधिक बळ देण्याचा संकल्प यानिमित्ताने व्यक्त केला. शिवसेना पक्षाचे सर्व गटातील उमेदवार जनतेच्या विश्वासावर व कार्यकर्त्यांच्या ताकदीवर ही निवडणूक लढवून मतदारांच्या प्रश्नांसाठी जिल्हा परिषदेत ठाम व प्रभावी आवाज उठवतील. आतापर्यंत प्रत्येक निवडणुकीत शिवसेनेने यश प्राप्ती करत नगरपरिषद, महानगरपालिकेवर सुद्धा भगवा फडकवला आता वेळ आहे जिल्हा परिषद आणि पंचायत समितीवर शिवसेनेचा भगवा फडकवायची. असे आवाहन केले.
यावेळी पोलादपूर तालुक्यातील जिल्हा परिषद गटातील व पंचायत समिती गणतील सर्व शिवसेनेचे प्रमुख पदाधिकारी व कार्यकर्ते, शिवसैनिक, युवा सेना, महिला आघाडी मोठ्या संख्येने उपस्थित होते.
