रायगड लोकधारा वृत्तसेवा :
पत्रकार कैलासराजे घरत / खारपाडा पेण : चिर्ले.. सुपारीबाग येथे पोपटी काव्य संमेलन सोहळा उत्साहात संपन्न!
काव्य दरबार आयोजित २०२६ चे ११३ वे पोपटी काव्य संमेलन सोहळा, इतिहासाचार्य के.एम मढवी यांच्या सुपारीबाग निवासस्थानी संपन्न झाला. या कार्यक्रमाचे अध्यक्षस्थान कवी व गीतकार संदेश भोईर यांना देण्यात आले होते.
व्यासपीठावर प्रमुख पाहुणे साहित्यिक चंद्रकांत पाटील, गीतकार रामनाथ म्हात्रे, म.वा म्हात्रे, आवाज महामुंबईचा चॅनेलचे संपादक तथा पत्रकार उत्कर्ष समितीचे रायगड जिल्हा अध्यक्ष श्री मिलिंद खारपाटील, अभिनेता वीरेंद्र रत्ने, साहित्यिक ए.डी.पाटील, साहित्यिक सुरेश भोपी आदी मान्यवर उपस्थित होते.
काव्य दरबारचे संस्थापक नव इतिहासाचार्य काशिनाथ मढवी तसेच काव्यदरबारचे सदस्य मिनल माळी, हरिश्चंद्र माळी. भ.पो म्हात्रे, रेश्मा ठाकूर,अरुण द म्हात्रे, ह्यांनी कवी संमेलनाचे आयोजन केले कार्यक्रमाची सुरुवात गणेश पूजन आणि दीपप्रज्वलनाने करण्यात आली. इशस्तवन अरुण म्हात्रे यांनी सादर केले. तसेच खरा तो एकची धर्म, जगाला प्रेम अर्पावे, हे सुमधुर गाणी सादर केले.तदनंतर पोपटीसाठी अग्निपूजन करण्यात आले. उपस्थित महिलांनी अग्नीला ओवाळणी केली. आणि सर्वांनी एकत्र “लाने गो झांजुराचे” हे होळीचे गाणे एकत्र सादर केले. सर्व उपस्थित मान्यवर, कवी, साहित्यिक, चित्रकार यांचे स्वागत करण्यात आले. के.एम.मढवी सरांनी प्रास्ताविक सादर केले.
काव्यदरबार तर्फे अनेक गुणवंतांना पुरस्कृत केले.
पुरस्कार वितरण समारंभा नंतर पेण- अलिबाग आगरी साहित्यिक सांस्कृतिक सामाजिक संस्थेतर्फे आगरातील तेजस्विनी म्हणून मनस्वी मिनल शंकर माळी हिला सन्मानपत्र देण्यात आले.
कार्यक्रमांतर्गतच सर्वांनी पोपटीचा आस्वाद घेऊन आगरी मेनू असलेले भोजन ग्रहण केले. काव्य पुष्प सत्र म्हणजे कविता सादरीकरणाला सुरुवात करण्यात आली.अशा सर्व कवींनी- कवयित्रींनी विविध दिशा ,विविध बाजू, विविध भाव असलेल्या कवितां श्रोत्यांना श्रवित केल्या.. कार्यक्रमाचे सूत्रसंचालन आगरी साहित्यिका मिनल माळी रेश्मा ठाकूर. कवि अरुण द म्हात्रे यांनी केले. नंतर आभार मानून विश्वप्रार्थना पसायदानाने कार्यक्रमाची सांगता करण्यात आली सकाळी 11 वाजता सुरू झालेल्या कार्यक्रमाची सांगता सायंकाळी 5 वाजता झाले. आणि जे खरोखरीच रसिक आणि काव्यप्रेमी आहेत ते अखेरपर्यंत खुर्चीस खिळून होते. काव्य रसिक,काव्यप्रेमी रसिकांनी टाळ्या, वन्स मोअर अशी दाद देऊन काव्याचा हा काव्यदरबार 2026.. पोपटी कवी संमेलन सोहळा यशस्वी केला.
