रायगड लोकधारा वृत्तसेवा :
पत्रकार कैलासराजे घरत / खारपाडा : पेण / रायगड जिल्हा परिषदेच्या वतीने आयोजित ‘मिनी सरस’ २०२६ प्रदर्शनाचे भव्य आयोजन! “अलिबागच्या सागरकिनारी घुमणार ग्रामीण कर्तृत्वाचा जागर!” रायगड जिल्हा परिषदेचे अध्यक्ष मा.श्री.मंगेश रामचंद्र वाकडीकर यांच्या संकल्पनेतून आणि District Rural Development Authority (जिल्हा ग्रामीण विकास यंत्रणा) विभागाच्या वतीने, ग्रामीण भागातील महिला बचत गटांना हक्काची बाजारपेठ मिळवून देण्यासाठी अलिबागमध्ये एक सुवर्णसंधी उपलब्ध झाली आहे.
प्रदर्शनाची ठळक वैशिष्ट्ये :
बचत गटांचे सामर्थ्य: महाराष्ट्र राज्य ग्रामीण जीवनोन्नती अभियानांतर्गत (Umed) ग्रामीण भागातील महिलांनी स्वतः तयार केलेली दर्जेदार, नैसर्गिक आणि नावीन्यपूर्ण उत्पादने एकाच छताखाली.
हस्तकला व गृहपयोगी वस्तू: हाताने विणलेले कपडे, शोभेच्या वस्तू आणि दैनंदिन वापराच्या अस्सल ग्रामीण वस्तूंची मोठी श्रेणी. चवीचा खजिना: रायगडच्या मातीतील अस्सल चवीचे खाद्यपदार्थ, घरगुती मसाले, लोणची आणि पापड यांचा मनसोक्त आस्वाद घेण्याची संधी.
सांस्कृतिक मेजवानी: रायगड जिल्ह्याची समृद्ध संस्कृती आणि परंपरा ‘याची देही याची डोळा’ अनुभवण्याची सुवर्णसंधी.
प्रदर्शनाचा तपशील: दिनांक: २० मार्च ते २४ मार्च, वेळ: सकाळी १०:०० ते रात्री १०:०० वाजेपर्यंत, ठिकाण: अलिबाग समुद्रकिनाऱ्याजवळील मैदान (Beach Side Ground), अलिबाग.
आमचे आवाहन: ग्रामीण महिलांच्या आर्थिक सक्षमीकरणाला हातभार लावण्यासाठी आणि त्यांच्या मेहनतीचे कौतुक करण्यासाठी, आपण सर्वांनी या ‘मिनी सरस’ प्रदर्शनाला सहकुटुंब, सहमित्र नक्की भेट द्यावी. अलिबागच्या समुद्रकिनारी पर्यटनासोबतच ग्रामीण संस्कृतीचा हा आगळावेगळा उत्सव अनुभवा! ”ग्रामीण विकास, महिला सक्षमीकरण – आमचा संकल्प, आमचा अभिमान!” निमंत्रक: मा. मंगेश विमल रामचंद्र वाकडीकर अध्यक्ष, रायगड जिल्हा परिषद व समस्त जिल्हा परिषद प्रशासन, रायगड. जय हिंद, जय महाराष्ट्र !
