रायगड लोकधारा न्यूज :
उरण प्रतिनिधी : विठ्ठल ममताबादे /
रा.जि प प्राथमिक उत्कृष्ट शाळा विंधणे येथे दिनांक २६ जानेवारी २०२५ रोजी सकाळी ठिक ७:१५ वाजता विंधणे गावातील संपूर्ण परिसरामध्ये ढोल ताशांच्या गजरात, लेझीम वाद्यांच्या साह्याय्याने प्रभाव फेरी काढण्यात आली इयत्ता पाचवीचा विद्यार्थी वंश पाटील याने कार्यक्रमाचे संचलन केले .तद्नंतर सकाळी ७:४५ वाजता शाळेच्या मुख्याध्यापिका सौ.स्रग्धरा पाटील यांच्या हस्ते ध्वजारोहण करण्यात आले..ध्वजारोहणानंतर राष्ट्रगीत, ध्वजगीत, प्रतिज्ञा शपथ ,जय जय महाराष्ट्र माझा राज्यगीत, संविधान प्रतिज्ञा हे कार्यक्रम घेण्यात आले तद्नंतर शाळेच्या विद्यार्थ्यांनी प्रजासत्ताक दिनाबद्दल घोषणा दिल्या. तसेच शाळेचे गोवारी सर यांनी सर्व ग्रामस्थांचे, कार्यक्रमासाठी उपस्थित असलेल्या सर्व पाहुण्यांचे स्वागत केले व आभार मानले.
गृप ग्रामपंचायत विंधणे येथे संपूर्ण विंधणे परिसरातील ग्रामस्थ, ज्येष्ठ नागरिक, माजी विद्यार्थी, सरपंच, उपसरपंच, ग्रामपंचायत सदस्य, ग्रामसेवक, शाळेच्या मुख्याध्यापिका, शिक्षक, शाळेतील सर्व विद्यार्थी ग्रामपंचायत विंधणे येथे ध्वजारोहणासाठी उपस्थित होते. गृप ग्रामपंचायतीचे ग्रामविकास अधिकारी रविंद्र गावंड यांच्या हस्ते ध्वजारोहण करण्यात आले प्रजासत्ताक दिनाबद्दल सर्व विद्यार्थ्यांनी घोषणा दिल्या तद्नंतर राष्ट्रगीत, ध्वजगीत, ध्वजप्रतिज्ञा, उंच उंच गगनात तिरंगा हे राज्यगीत सादर करण्यात आले. तद्नंतर शाळेतल्या विद्यार्थ्यांनी ” माझा मान माझे संविधान ” हे पथनाट्य सादर करून ग्रामस्थांनी विद्यार्थ्यांचे भरभरून कौतुक केले.
शाळेच्या सभागृहामध्ये इयत्ता पहिली व दुसरीच्या मुलांनी देशगीत सादर केले. तसेच आम्ही ठाकरं ठाकरं हे गीत वेशभूषा धारण करून विद्यार्थ्यांनी शाळा व्यवस्थापन कमिटी अध्यक्ष, उपाध्यक्ष, सदस्य , ग्रामस्थ व सर्व विद्यार्थ्यांच्या उपस्थित सादर केले.
शाळेमध्ये विद्यार्थ्यांच्या लहान गट ( इयत्ता १ ली ते ४ थी ) , मोठा गट ( इयत्ता ५ वी ते ७ वी ) निंबध स्पर्धा, वक्तृत्व स्पर्धा, चित्रकला स्पर्धी, हस्तकला स्पर्धा अशा विविध प्रकारच्या स्पर्धा विद्यार्थ्यांच्या कलागुणांना वाव देण्यासाठी घेण्यात आल्या. तसेच विद्यार्थ्यांनी प्रजासत्ताक दिनाबद्दल स्वतःच्या हाताने हस्तकलेच्या ज्या काही वस्तू तयार केल्या होत्या. त्यांचे प्रदर्शन भरवण्यात आले होते.
” झाडे लावा, झाडे जगवा ” याबद्दल सर्वांच्या मनात जनजागृती निर्माण करण्यात आली. विद्यार्थ्यांनी सर्व प्रकारच्या फळे, फुले यांच्या बिया गोळा करून बिजांकुरण हा एक उपक्रम घेण्यात आला. निबंध स्पर्धा, वक्तृत्व स्पर्धा, चित्रकला स्पर्धा ,हस्तकला स्पर्धा या स्पर्धेमध्ये विंधणे गावातील ग्रामस्थ, शालेय व्यवस्थापन समिती अध्यक्ष, उपाध्यक्ष, सदस्य या सर्वांच्या हस्ते प्रथम द्वितीय व तृतीय क्रमांक आलेल्या विद्यार्थ्यांना प्रमाणपत्र व बक्षिसे देऊन विद्यार्थ्यांचा सत्कार करण्यात आला. आपल्या विंधणे शाळा व्यवस्थापन समिती अध्यक्ष, उपाध्यक्ष व सर्व सदस्य, सदस्या यांनी शाळेच्या मुख्याध्यापिका स्रग्धरा पाटील मॅडम, सदाशिव जोशी , नारायण गोवारी ,रंजना कोळी, प्रविण पाटील व श्रीमती माधवी जाधव या सर्व शिक्षकांना फ्रेम अशा स्वरूपात सप्रेम भेटवस्तू देऊन शिक्षकांचा आदर सत्कार करण्यात आला.
चिरनेर केंद्र स्तरावर व उरण तालुका स्तरावर विद्यार्थ्यांच्या ज्या क्रिडास्पर्धा, गायन स्पर्धा, नृत्य स्पर्धा, पथनाट्य स्पर्धा या विविध प्रकारच्या स्पर्धांमध्ये आपल्या शाळेतील विद्यार्थ्यांनी सक्रिय सहभाग घेतला होता आणि या स्पर्धेमध्ये ज्या विद्यार्थ्यांनी यश संपादन केले होते त्या विद्यार्थ्यांचा देखील प्रमाणपत्र व बक्षिसे देऊन गोरव करण्यात आला.
अशा प्रकारे आनंदी वातावरणात, उल्हासात व खेळीमेळीच्या वातावरणात ७६ वा प्रजासत्ताक दिन रायगड जिल्हा परिषद उत्कृष्ट प्राथमिक शाळा विंधणे येथे संपन्न व साजरा झाला.
