रायगड लोकधारा वृत्तसेवा :
रायगड लोकधारा प्रतिनिधी / मुंबई : आ. विक्रांत दादा पाटील यांनी विधान भवनात लक्षवेधी मांडून मुंबई येथे घेतली होती सिडको नैना प्रकल्प विषयी महत्वपूर्ण तातडीची बैठक.
आ. विक्रांत दादा पाटील यांनी विधान भवनात लक्षवेधी मांडून सरकारचे लक्ष वेधून घेतल्यानंतर या विषयाची तातडीने विशेष बैठक लावण्याची मागणी केली होती. त्यानुसार पनवेल उरण मधील ग्रामस्थ व शेतकऱ्यांचे गंभीर प्रश्न घेऊन नगरविकास राज्य मंत्री श्रीमती माधुरीताई मिसाळ यांच्या प्रमुख उपस्थितीत.
सिडको प्रशासनाची एक महत्वपूर्ण बैठक मार्च मध्ये सिडको निर्मल भवन मुंबई येथे संपन्न झाली होती.
या बैठकी दरम्यान ग्रामस्थ व शेतकऱ्यांच्या बाधित घरांना नियमित करणे, शेतकऱ्यांच्या मूळ घरावर आरेखित केले गेलेले इतर शेतकऱ्यांचे ४०% प्लॉट तथा शेतकऱ्यांच्या घरांवर टाकली गेलेली गार्डन, ओपन स्पेसेस व इतर आरक्षणे या बाबत आरक्षण इतरत्र हलवण्यासंदर्भात बदल करून तातडीने निर्णय करणे,गावठाण लगतच्या बांधकामांना नियमित करण्यासाठी UDCPR मधील कनजेस्टेड एरिया साठीच्या तरतूदी लागू करणे, पुनर्विकासाकरिता वाढीव FSI देणे, रस्त्यात बाधित होणाऱ्या शेतकऱ्यांच्या बांधकामांना योग्य मोबदला, पुनर्वसन या बाबत सकारात्मक निर्णय करणे, शेतकरी व ग्रामस्थानची योग्य पध्दतीने संवाद साधून त्यांच्या शंकांचे निरसन करणे व अडचणी दूर करणे. या सर्व व इतर अति महत्त्वाच्या विषयांवर विस्तृत चर्चा झाली होती तसेच सिडको प्रशासनाने देखील प्रश्न सोडविण्यासंदर्भात मंत्री महोदयांसमोर सकारात्मक भूमिका घेतली होती याच अनुषंगाने सिडकोने घेतलेल्या निर्णय म्हणजेच आमदार विक्रांतजी दादा पाटील यांच्या पाठपुराव्याला यश म्हणुन आमदार साहेब केरळ येथे असतांना देखील असंख्य फोन कॉल आणि मॅसेज द्वारा सिडको वासियांनी आमदार विक्रांत दादांचे आभार मानले आहेत.
त्या बैठकीस त्यावेळी मा. कोकण म्हाडा सभापती श्री. बाळासाहेब जी पाटील, सिडको व्यवस्थापकीय संचालक श्री. विजय जी सिंगल, JMD शंतनू जी गोयल, JMD गणेश जी देशमुख,मुख्य लँड सर्वे ऑफिसर समाधान खटकाळे, मुख्य नियोजन अधिकारी श्री.मानकर,अतिरिक्त नियोजन अधिकारी डॉ प्रिया, मंत्री महोदयांचे स्वीय सहाय्यक डॉ प्रशांत जी रसाळ यांच्यासह सिडकोचे सर्वच प्रमुख अधिकारी उपस्थित होते.
