रायगड लोकधारा वृत्त :
पनवेल प्रतिनिधी : तळोजा आद्योगिक वसाहतीमध्ये असलेल्या मे केन्स्पेक केमिकल्स प्रा ली कंपनीने स्थानिक १०४ तरुणांना कोणतेही ठोस कारण न देता कामावरून कमी केले आहे याबाबत गेली अनेक महिने हे कामगार बेरोजगार झाले आहेत १५ एप्रिल २०२५ पासून कामगारांनी कंपनी गेट समोर ठिय्या आंदोलन
सुरु केले आहे या आंदोलनाला जागृती ऊंडेशन चे अध्यक्ष निलेश सोनावणे यांनी जागृती फाऊंडेशन च्या कार्यकर्त्यांसमवेत भेट दिली यावेळी कंपनी व्यवस्थापनाला स्थानिकांवर अन्याय करू नये त्यांना बेरोजगार करू नये असे कंपनी व्यस्थापनाला सांगितले आहे.
तळोजा आद्योगिक वसाहतीमध्ये असलेल्या मे केन्स्पेक केमिकल्स प्रा ली कंपनी मध्ये आजूबाजूचे कामगार गेली दहा ते वीस वर्षे कंपनीच्या विविध विभागात काम करीत आहेत डिसेंबर २०२३ मध्ये कंपनीला आग लागल्याने उत्पादन प्रक्रिया बंद करण्यात आली होती कंपनी सुरु झाल्यावर परत आपल्याला कामावर घेतले जाईल या आशेने सर्व कामगार कंपनी सुरु होण्याची वाट बघत होते मात्र कंपनी सुरु झाल्यावर काही कामगारांना कंपनीने कामावर घेतेले मात्र स्थानिक भूमिपुत्र असलेल्या या १०४ कामगारांना घराचा रस्ता दाखवला या बाबत कामगारांनी विविध विभागाकडे पाठपुरावा करीत न्याय हक्कासाठी लढाई सुरु केली आहे ,कंपनी कंत्राटदाराच्या माध्यमातून बाहेरील कामगार आणून काम करून घेत आहे ,मात्र भूमिपुत्रांना सामावू घेण्यास टाळाटाळ करीत आहे .व्यवस्थापनातील काही मंडळी जाणीवपूर्वक मालक आणि कामगारांमध्ये संघर्ष घडवून आणत आहे कंत्राटदाराला हाताशी घेऊन बाहेरील कामगारांकडून काम करून घेत आहे याबाबत कामगारांनी कंपनी गेट समोर ठिय्या आंदोलन सुरु केले असून कंपनीमध्ये परत कामावर घेत नाही तोपर्यंत आंदोलन सूर राहील असे कामगारांनी सांगितले आहे या आंदोलनाला जागृती फाऊंडेशन चे अध्यक्ष निलेश सोनावणे यांनी कामगारांची भेट घेतली यावेळी त्यांच्या सोबत ,तळोजा विभागीय उपाध्यक्ष संदेश पाटील ,सचिव कुवर पाटील, विकेश पाटील,कल्पेश कांबळे ,आदी जण उपस्थित होते
